Kjörsókn er ágæt hjá Framsóknarmönnum

Um kl 15 í dag höfðu um 500 manns kosið á Selfossi í prófkjöri Framsóknarflokksins í Suðurkjördæmi.  Klukkan 13 var heildartalan 850  yfir þá sem höfðu kosið á kjörfundi kjördæminu öllu. Alls er kosið á 26 kjörstöðum í Suðurkjördæmi. Þátttaka í prófkjörinu er heimil öllum félagsmönnum í framsóknarfélögunum í kjördæminu og eiga lögheimili þar.

Tveir menn keppa um efsta sæti, þeir Guðni Ágústsson, varaformaður Framsóknarflokksins, og Hjálmar Árnason, þingflokksformaður. Alls gefa tólf manns kost á sér en kosið er um sex efstu sæti listans. Kosið er á 26 stöðum í kjördæminu, allt austur frá Hornafirði og vestur á Suðurnes. Kjörstaðir verða flestir opnaðir nú klukkan tíu en kosningu lýkur klukkan sex í kvöld. Atkvæði verða talin á Selfossi á morgun og fyrstu tölur birtar síðdegis.