Hlakka til að stíga inná gólfið

Nú styttist í að strákarnir okkar hefji leik á Heimsmeistaramótinu í handbolta sem haldið í Þýskalandi. Vísir heyrði í Arnór Atlasyni í morgun sem hlakkaði mikið til að stíga inn á gólfið í Bördelandhalle í Magdeburg.

Þeir Arnór, Ólafur Stefánsson, Sigfús Sigurðsson og þjálfarinn Alfreð Gísla þekkja vel til í Magdeburg. Allir voru þeir á mála hjá félaginu og eru síður en svo gleymdir. Enda fengu þeir hlýjar móttökur í gær.

„Það var stemmning að koma inní höllina í gær og verður spennandi að heyra stuðninginn sem við fáum frá öllum hérna," sagði Arnór.

„Það verður tekið á því," sagði Arnór um leikinn í dag á móti Áströlum.