Innlent

Veikt fólk flutt frá einum „ofsatrúarsamtökum“ til annarra

Þórarinn Tyrfingsson, yfirlæknir SÁÁ, undrast mjög þá ákvörðun Magnúsar Stefánssonar félagsmálaráðherra að koma vegalausum skjólstæðingum Byrgisins fyrir hjá Samhjálp. Það lýsi skilningsleysi á fíknsjúkdómum að „...alvarlega veikt fólk" skuli vera flutt frá einum „ofsatrúarsamtökum" til annarra.



Þetta er meðal þess sem kemur fram í ítarlegu fréttaviðtali við Þórarin í Fréttablaðinu á morgun en þar vandar yfirlæknirinn framsóknarmönnum ekki kveðjurnar.

Hann segir flokkinn lengi hafa haft ráðuneyti félags- og heilbrigðismála á sinni könnu og þessi ákvörðun staðfesti viðhorf forystumanna flokksins að áfengis- og eiturlyfjafíkn séu synd en ekki sjúkdómur.

„Þarna kemur berlega í ljós hvaða stefnu og hugmyndafræði Framsóknarflokkurinn hefur í málefnum vímuefnasjúks fólks. Litið er á þetta fólk sem syndugt og að besta meðferðin við fíknisjúkdómum sé kristniboð og syndaaflausn innan um það sem ég myndi hiklaust kalla ofsatrúarsamtök," segir Þórarinn meðal annars í Fréttablaðinu á morgun

Mest lesið


Fleiri fréttir

Sjá meira


×

Mest lesið