Þingmaður með hauskúpuhálsbindi og áletrað ljóð á jakka

Síðast þegar Hlynur sat á þingi vakti hann athygli með því að mæta ekki með bindi. Nú hefur hann bætt úr því. Hann segist ekki nenna að gera vesen út af smáatriðum og ef það skipti forseta Alþingis máli að hann sé með bindi, það geri hann það, henni til heiðurs. Hlynur kveðst hafa valið hauskúpuhálsbindi vegna þess að vinur sinn, Jón Sæmundur Auðarson, gaf honum það ásamt jakkanum með áletruðu ljóði Jónasar Hallgrímssonar, Ferðalokum. Sér hafi þótt það flott að kynna íslenska topphönnun í sölum Alþingis. Hann kveðst ekki vera að senda nein pólitísk skilaboð með þessu.