Fyrirtaka í máli olíufélaga á hendur ríkinu á morgun

Fyrirtaka verður í fyrramálið í Héraðsdómi Reykjavíkur í máli stóru olíufélaganna á hendur Samkeppniseftirlitinu og íslenska ríkinu vegna sektar sem olíufélögin fengu fyrir ólöglegt samráð sitt á níunda áratug síðustu aldar.

Félögin voru sektuð um um það bil einn og hálfan milljarð króna vegna samráðsins en þau krefjast þess nú að úrskurður Samkeppniseftirlitsins verði felldur úr gildi. Að sögn Heimis Arnar Herbertssonar, lögmanns íslenska ríkisins í málinu, má reikna með að olíufélögin leggi á morgun fram matsgerð sína vegna málsins og að hann muni í kjölfarið skoða hana. Ekki liggi fyrir hvenær aðalmeðferð hefjist í málinu en það ráðist af því hvenær gagnaframlagninu málsaðila ljúki.