Seldi fíkniefni á bílastæði við verslun á Akureyri

Tvítugur karlmaður var í dag dæmdur í fjögurra mánaða skilorðsbundið fangelsi í Héraðsdómi Norðurlands eystra fyrir sölu og vörslu fíkniefna. Maðurinn var handtekinn í mars á síðasta ári á bílastæði við verslun á Akureyri.

Í bílnum fundust fíkniefni og var þá gerð húsleit hjá manninum. Alls fundust rúm fimmtíu grömm af hassi, um tíu grömm af kókaíni og um fjórtán grömm af amfetamíni sem voru gerð upptæk. Jafnframt voru loftbyssur og vogir gerðar upptækar. Maðurinn hefur áður komist í kast við lögin fyrir fíkniefnalagabrot.