Rúv frumvarp úr nefnd

Frumvarp um Ríkisútvarpið ohf var afgreitt úr menntamálanefnd Alþingis, eftir lítilsháttar breytingar í dag og verður væntanlega á dagskrá þingsins á mánudag. Formenn stjórnarandstöðuflokkanna á Alþingi sendu forseta þingsins bréf í gær og báðu um að fundi menntamálanefndar yrði frestað, þar sem ný gögn frá ESA hefðu verið lögð fram, en því var hafnað. Þetta er Í fimmta sinn sem þess er freistað að leggja frumvarp um Ríkisútvarpið fyrir alþingi. Mörður Árnason þingmaður Samfylkingarinnar segir að afgreiðslunni hafi verið harðlega mótmælt enda hefði nefndin þurft meiri tíma til að skoða þessi gögn. Þá ætti ESA eftir að senda enn eitt bréf, þar sem niðurstöður stofnunarinnar yrðu dregnar saman. Hann teldi eðlilegt að þess yrði beðið og frumvarpið þá afgreitt með hliðsjón af því.