Magnyl og Loobyloo áfram

Það voru nálægt 300 manns sem mættu á fyrsta undankvöld Músíktilrauna, Tónabæjar og Hins Hússins 2007 en það fór fram í kvöld. Níu hljómsveitir kepptust um að tryggja sér miða á úrslitakvöldið sem haldið verður laugardaginn 31. mars en hljómsveitirnar Magnyl og Loobyloo sem komust áfram. Loobyloo komst áfram á atkvæðum áhorfenda úr sal, en dómnefndin valdi Magnyl.

Eins og áður segir keppa þessar tvær hljómsveitir við átta aðrar á úrslitakvöldinu sem fer fram í Listarsafni Reykjavíkur, Hafnarhúsi 31. mars. Næsta undankvöld Músíktilrauna verður annað kvöld í Loftkastalanum og opnar húsið klukkan 18:00. Fyrsta hljómsveit stígur svo á stokk klukkan 19:00. Áhorfendur senda síðan eina hljómsveit í úrslit en dómnefnd velur hina. Það er því um að gera að mæta og styðja sína hljómsveit til sigurs.

Frekari upplýsingar um hljómsveitirnar Magnyl og Loobyloo má finna á vef Músíktilrauna, www.musiktilraunir.is og þar er einnig hægt að nálgast upplýsingar um allar 48 hljómsveitirnar sem taka þátt í ár, ásamt dagskrá næstu kvölda. Myndir frá undankvöldunum eru líka á sama vefsvæði.