Britney með meðferðarfulltrúanum

Sú saga gengur nú fjöllum hærra að Britney Spears sé kominn með nýjann kærasta og sá sé enginn annar en sjálfur meðferðarfulltrúinn hennar, 38 ára gamall fasteignabraskari að nafni John Sundahl. Eins og kunnugt er snéri söngkonan til baka úr áfengismeðferð í mars síðastliðnum og hefur síðan þá unnið markvisst í sínum málum, með aðstoð 12 spora kerfisins og Sundahl.

Fjölmiðlar í Bandaríkjunum greina frá því að nýlega hafi sést til Britney og Sundahl á Four Seasons-veitingastaðnum í Los Angeles þar sem kertaljós voru á borðum og andrúmsloftið hið rómantískasta. Eftir kvöldverðin héldu þau á sýningum á söngleiknum Wicked áður en þau héldu í sameiningu á ónefnt hótel í draumaborginni.

Sundahl hefur áður neitað því að nokkurt sé á milli hans og Britney en heimildamenn NBC-fréttastofunnar ytra halda öðru fram. „Hann er dolfallinn yfir henni. Ég hef aldrei séð hann jafn vitlausan í nokkra stelpu. Hann er tilbúinn að fórna ferli sínum til þess eins að gera Britney hamingjusama,“ er haft eftir ónefndum vini Sundahl.