Inga Sædal send heim í X-Factor

Inga Sædal, elsti keppandinn í X-Factor á Stöð 2, var send heim í gær og standa því einungis fjórir keppendur eftir í söngkeppninni.

Eftir símakosningu var ljóst að yngsti og elsti keppandinni, þær Guðbjörg og Inga, hefðu fengið fæst atkvæði og þurftu þær því að syngja aftur sín lög. Það var svo í höndum dómarans Páls Óskars Hjálmtýssonar að ákveða hver færi heim og kaus hann að senda Ingu heim í þetta sinn.

Þetta þýðir að nú eru fjórir aðilar eftir í keppninni, Færeyingurinn Jógvan, áðurnefnd Guðbjörg og söngdúettarnir tveir, HARA og Gís. Frá og með næsta þætti verður það eingöngu í höndum áhorfenda að ákveða hver verður sendur heim en hingað til hafa dómararnir ákveðið það út frá símaatkvæðagreiðslunni.