Bogi sáttur við skipuritið

„Ég er mjög sáttur við þetta skipurit. Þetta eru nákvæmlega þær áherslur sem ég hef verið að berjast fyrir og því er hvorki fyrir klögumálum né kvörtunum hjá mér að fara. Það er verið að leggja áherslu á dagskrármálin sem er einmitt það sem Ríkisútvarpið á að ganga út á,“ segir Bogi Ágústsson en staða forstöðumanns fréttasviðs, sem hann gegndi, var lögð niður samkvæmt nýju skipuriti.

„Ég er ekki búinn að ákveða hvað ég ætla að taka mér fyrir hendur en hver veit nema ég setjist við skrifborðið og fari aftur að skrifa fréttir,“ bætir hann við.