Nicole Richie ekki á leið í steininn strax

Réttarhöldum yfir raunveruleikaþáttastjörnunni Nicole Richie fyrir að keyra undir áhrifum, sem halda átti 25. júní var í gær að ósk lögfræðinga hennar frestað til 11. júlí. Richie var handtekin þar sem hún keyrði á röngum vegarhelmingi á hraðbraut í Los Angeles.

Lögregla sagði að hún hefði viðurkennt að vera undir áhrifum kannabisefna og verkjalyfsins vicodin.

Hún neitar sök. Verði hún fundin sek á hún yfir höfði sér minnst 90 daga fangelsisvist, þar sem hún hefur áður verið sakfelld fyrir akstur undir áhrifum.