ASÍ, Neytendastofa og Neytendasamtök fylgjast með matarverði

Viðskiptaráðherra hefur gert samkomulag við Alþýðusamband Íslands, Neytendasamtökin og Neytendastofu um um að fylgjast með því hvaða áhrif aðgerðir ríkisstjórnarinnar til lækkunar á matvælaverði hafi.

Greint var frá þessu á blaðamannafundi í dag þar sem viðskiptaráðherra lagði áherslu að almenningur tæki virkan þátt í verðlagseftirlitinu. Í tilkynningu frá iðnaðar- og viðskiptaráðuneytinu að aðgerðir ríkisstjórnarinnar eigi að leiða til 14-16 prósenta lækkunar á matvælalið vísitölu neysluverðs og segir ráðuneytið mikilvægt að aðgerðirnar skili sér að fullu í lægra matvöruverði til neytenda.

Áhöld hafa verið um það hversu mikið verð á mat og drykk lækkar með aðgerðum ríkisstjórnarinnar og komst Hagstofa Íslands að því á dögunum að það lækkaði um 8,7 prósent vegna breytinganna.

Aðgerðirnar voru kynntar í haust og fela meðal annars í sér lækkun virðisaukaskatts á matvæli og vörugjalda ásamt lækkun tolla. Breytingarnar taka gildi 1. mars næstkomandi.