Atvinnuástand á Vestfjörðum gott þrátt fyrir stórt gjaldþrot

Langfæstir eru á atvinnuleysisskrá á Vestfjörðum um þessar mundir á landinu eftir því sem segir á vef svæðisvinnumiðlunar Vestfjarða. Þar er bent að þrátt fyrir allstórt gjaldþrot hjá trésmíðaverkstæði Ágústs og Flosa á Ísafirði þar sem um 30 manns unnu sé atvinnuástandið almennt gott á Vestfjörðum og mikil eftirspurn eftir iðnaðarmönnum.

Hafi því starfsmönnum Ágústs og Flosa gengið vel að fá störf annars staðar. Átta einstaklingar eru enn án atvinnu á Bíldudal en vonir standa til að það atvinnuleysi minnki verulega þegar fisvinnsla hefst þar að nýju á vegum Odda á Patreksfirði og Þórsbergs á Tálknafirði.