Hvaða rakspíra notar Justin Timberlake ?

Sambandið milli söngvarans Justins Timberlake og leikkonunnar Scarlett Johansson, virðist hitna með hverjum deginum sem líður. Þau sáust saman í samkvæmi í Miami um síðustu helgi, og fór að sögn vel á með þeim. Timberlake er sagður vera óðum að jafna sig eftir tveggja ára samband við Cameron Diaz og á eftir henni Jessicu Biel.

Johannsson og Timberlake eru sögð hafa haldist í hendur og dansað saman allt kvöldið, og svo læðst út bakdyramegin til þess að fara heim á hótel Timberlakes. Á leiðinni út hafi hann hallað sér upp að vegg, og stúlkan nuddað sér upp við hann. Svo hurfu þau út í nóttina.