Innlent

Ráðamenn telja áfengissýki vera synd

Yfirlæknir SÁÁ, varaði landlækni og heilbrigðisráðuneytið við því í bréfi árið 2003 að fela ofsatrúarmönnum meðferð áfengissjúklinga. Hann sagði að stór hópur svokallaðra endurkomusjúklinga í áfengismeðferð ætti við geðræn vandamál að stríða og gæti stafað hætta af trúboði öfgatrúarmanna. Þetta var skrifað til ráðuneytis heilbrigðismála sumarið 2004.

 Félagsmálaráðuneytið hefur nú falið trúarsamtökunum Samhjálp að taka við skjólstæðingum Byrgisins eftir að ljóst varð að starfsemi Byrgisins var í molum.

 Þórarinn Tyrfingsson , undrast þögn þeirra sem standa eigi vörð um hagsmuni sjúklinga í landinu. Hann segist ekki kunna skýringar á því að enginn stjórnmálamaður hafi haft samband við SÁÁ eftir að þessi umræða kom upp en hann geti túlkað það á þann veg að þeir líti almennt á áfengis og vímuefnafíkn sem synd og vilji meðhöndla hana sem slíka. Það sé þá stefna sem stjórnarflokkarnir þurfi að svara fyrir, gagnvart öllum fagfólki á þessu sviði í landinu. Framsóknarflokkurinn hafi dregið vagninn en greidd verði atkvæði um þessa stefnu hans í vor. Matthías Halldórsson Landlæknir segir telja að almennt eigi ekki að blanda trúarhópum í meðferðarstarf þótt þeir geti komið góðu til leiðar þegar skortur sé á búsetuúrræðum. Hann segir að ekki hafi verið leitað til Landlæknis um ráðgjöf á þessu sviði en hann telji þessum hlutum best fyrirkomið hjá SÁÁ. Aðspurður sagðist hann telja að peningasjónarmið ráði ferðinni hjá fjárveitingarvaldinu.

Mest lesið


Fleiri fréttir

Sjá meira


×

Mest lesið