Flogið milli Keflavíkur og Akureyrar í sumar

Icelandair hefur ákveðið að bjóða brottför og komu í millilandaflugi sínu á Akureyri í sumar. Munu farþegar þá fljúga til og frá Akureyri með flugvél Flugfélags Íslands og þannig tengjast beint við millilandaflug Icelandair á Keflavíkurflugvelli.

Fram kemur í tilkynningu frá félaginu að þjónustan standi frá 15. júní til ágústloka. Flogið verður á mánudögum, fimmtudögum og föstudögum og verður brottför frá Akureyri laust fyrir klukkan sex á morgnana en brottför frá Keflavík klukkan 18 sama dag.

Það mun kosta Norðlendinga um átta þúsund þúsund krónur aukalega að fljúga í gegnum Keflavík fram og til baka en innritun í utanlandsferðina fer fram á Akureyri áður en flogið verður til Keflavíkur.