Starfsdögum fjölgað á leikskólum Reykjavíkurborgar

Leikskólaráð Reykjavíkurborgar samþykkti einróma á fundi sínum í fyrradag að fjölga starfsdögum í skólunum úr þremur í fjóra á ári. Miðað er við að starfsfólk leikskólanna geti nýtt tvo daga á haustönn og tvo daga á vorönn.

Fram kemur í tilkynningu frá borginni að markmiðið með því að fjölga starfsdögunum sé að efla faglegt starf í leikskólunum. Með þessu sé komið til móts við auknar kröfur um símenntun starfsfólks og stefnt að því Reykjavík verði áfram leiðandi í leikskólastarfi.

Lögð er áhersla á að leikskólarnir leitist við að hafa tvo skipulagsdaga í tengslum við starfs- og frídaga í grunnskólunum, að öðru leyti verði þeim hagað þannig að sem best henti foreldrum og starfsfólki