Slasaðist í útafakstri í Biskupstungum

Ökumaður bíls sem fór út af Biskupstungnavegi laust fyrir hádegi var fluttur með sjúkrabíl til Reykjavíkur með minni háttar meiðsl. Í upphafi var talið um alvarlegt slys væri að ræða og var þyrla Landhelgisgæslunnar sett í viðbragðsstöðu en skömmu síðar kom í ljós að meiðsli mannsins reyndust ekki alvarleg en þó það mikil að hann var fluttur á sjúkrahús. Að sögn lögreglunnar á Selfossi er flughált bæði innanbæjar og í uppsveitum Árnessýslu og hafa nokkrir minni háttar árekstrar orðið af þeim sökum.