Turturro þunnur í útvarpinu

John Turturro, sem leikur í Transformers, fékk að finna fyrir því þegar hann var staddur á Spáni á dögunum. Hann mætti þunnur í útvarpsviðtal.

Leikarinn viðurkenndi að hafa verið að fá sér aðeins kvöldið áður með spænska leikstjóranum Pedro Almadovar.

„Ég fór út að borða með Pedro Almadovar og hann hellti allskonar vínum í mig. Í miðju útvarpsviðtali daginn eftir varð ég hlaupa á klósettið til að æla úr mér lungun. Svo kom ég aftur og kláraði viðtalið. Þetta fór eins og eldur í sinu um spænska fjölmiðla. Um kvöldið mætti ég svo í spjallþátt, þar sögðust þeir vera með fötu til öryggis," sagði Turturro.

John Turturro er af mörgum talinn vera gæðaleikari og hefur hann leikið í myndum eins og The Colour of Money, O Brother Where Art Thou? og Secret Window með Johnny Depp.