Módel á rassinum

Það þykir spaugilegt þegar fyrirsætur detta í miðri tískusýningu. Það var einmitt það sem kom fyrir á tískusýningu MAX Factor á miðvikudagskvöld. Strandvarðaskvísan Carmen Electra var ein af fyrirsætunum. Gekk henni vel, allt þar til hún var að ljúka við að ganga eftir rananum, en þá rann hún til og datt á rassinn.

Ekki batnaði það því leikkonan Alison Sweeney, úr Days of Our Lives, kom fram á sýningarpallinn til að hjálpa Carmen en hún rann sömuleiðis á rassinn. Þær tóku þessu þó vel og brostu til sýningargestanna er þær löbbuðu út af sviðinu.