Sagt upp eftir nótt með 50 Cent

Knattspyrnukappinn Marcus Bent, sem leikur með Charlton, hefur sagt kærustunni sinni, Danielle Lloyd, upp. Hún eyddi nótt með rapparanum 50 Cent þar sem mikið gekk á.

Sagan segir að Danielle hafi hitt rapparann eftir tónleika sem hann hélt á Englandi í síðustu viku. Hann hafi boðið henni með sér á hótelið sitt. Þar hafi þau eytt nóttinni saman í svítu sem kostar rúmar 300 þúsund krónur á dag.

„Hún hefur sagt félögum sínum frá því að Fiddy sé stór - á alla kanta. Hann er alvöru STÓR-stjarna," sagði heimildamaður í Daily Mirror. Annar heimildamaður sagði Daily Mirror að hann hafi séð stúlkuna kjaga út af hótelinu seinna um nóttina.

Fréttir herma að Danielle hafi verið neitað af Take That stjörnunni Jason Orange daginn áður en hún lagðist uppí með 50 Cent.

Danielle Lloyd var valinn ungfrú Bretlandseyjar árið 2006 en seinna á árinu var hún svipt titlinum. Hún hefur komið fram í mörgum tímaritum og sjónvarpsþáttum eins og Celebrity Big Brother í Bretlandi.

Opinber heimasíða Danielle Lloyd.

Danielle Lloyd á MySpace