Kid Rock er fyrir ljóskurnar

Rokkarinn Kid Rock, sem er nýskilinn við kynbombuna Pamelu Anderson, hefur sést með nýja ljósku upp á arminn. Ekki er nafn nýju ljóskunnar ólíkt þeirrar fyrri, en um er að ræða danska fyrirsætu að nafni May Andersen.

Kid og May voru saman á afmælistónleikum Elton Jonhs í N.Y. og sátu við hlið hvors annars í þær þrjár klukkustundir sem tónleikarnir vörðu. Virtist þeim líða afar vel saman. Þegar tónleikunum lauk gengu þau út hönd í hönd með bros á vör.

Kid Rock og Pamela Anderson voru gift í fjóra mánuði en skildu endanlega í janúar á þessu ári. May var áður að hitta Jackass gaurinn Steve-O. Þetta er þó ekki í fyrsta skipti sem danska fyrirsætan ratar í fjölmiðla því í fyrra var hún var handtekin fyrir að ráðast á flugfreyju í flugi frá Amsterdam til Miami.