Díana prinsessa fyrirmynd Angelinu Jolie

Angelina Jolie segir að Díana heitin Bretaprinsessa sé fyrirmynd hennar í góðgerðarstarfi sínu.

Leikkonan gerðist ötull talsmaður mannréttinda eftir að hún lék í kvikmynd í Kambódíu árið 2001. Hún sagðist í viðtali við Contacmusic að hún vonist til að geta líkt og prinsessan, lagt sitt af mörkum til að gera heiminn að betri stað.

,,Díana veitti mér mikinn innblástur. Ég fylgdist mjög vel með vinnu hennar, sérstaklega baráttu hennar gegn jarðsprengjum. Mér fannst heillandi að hún skyldi velja sér það viðfangsefni" sagði Jolie. ,,Hvað sem ég geri vil ég alltaf fara í flóttamannabúðir og hitta þá sem minnst mega sín. Mér þykja það vera forréttindi"