Al Gore yngri tekinn á ofsahraða með fíkniefni

Al Gore III, sonur Als Gore fyrrverandi varaforseta bandaríkjanna, var handtekinn í dag, grunaður um vörslu fíkniefna. Hinn 24 ára Gore var stöðvaður þar sem hann keyrði Prius-bíl sinn á 160 kílómetra hraða eftir hraðbraut í Kaliforníu.

Þegar lögreglumenn leituðu í bílnum fundu þeir kannabisefni og myndarlegt safn lyfja, Xanax, Valíum, Vicodin og örvandi lyfið Adderal. Gore er nú í haldi í fangelsi í Santa Ana.

Þetta er ekki í fyrsta sinn sem Gore yngri er handtekinn, en hann var kærður fyrir vörslu kannabisefna árið 2003 og fyrir gáleysislegan akstur árin 2000 og 2002.