Pete Doherty finnst hann ofsóttur af Kate Moss

Parið lenti í alvarlegum rifrildum eftir að orðrómur komst á kreik um það að Babyshambles söngvarinn hefði haldið framhjá Moss með suður-afrískri fyrisætu. Í einu rifrildanna á Doherty að hafa líkt sambandinu við að búa með geðsjúkum aðdáanda.

Vinur fyrirsætunnar sagði í samtali við London Lite að hún hefði grátið stanslaust í marga daga. ,,Hún reynir hvað sem er til að fá hann aftur, en hann er kominn með nóg af stjórnseminni í henni" ,,Kate hringir stöðugt í Pete, öskrar og grætur í símann. Hún er reið og í uppnámi en algjörlega heltekin af því að fá hann aftur. Hann stakk upp á því að þau tæku sér pásu því honum fannst hún vera að kæfa sig." sagi vinurinn.

Flestir höfðu gert ráð fyrir því að fyrirsætan hefði losað sig við vandræðagemlinginn, sem kemst reglulega í fréttirnar fyrir sukk og ólæti. Moss hefur þó látið hafa það eftir sér að hún geti ekki búið með Doherty vegna framhjáhalds hans, en einnig að hún geti ekki lifað án hans.