Notar bara einkavélar

Rapparinn og upptökustjórinn Timbaland neitar með öllu að fljúga með almennum flugfélögum þar sem hann óttast sýkla og kvefpestir sem almúgurinn kann að bera. Timbaland ferðast aðeins um í einkaþotum og helst með eins fáum samfarþegum og mögulegt er.

„Heilsan er það mikilvægasta í lífinu,“ sagði Timbaland í nýlegu viðtali þegar hann var spurður um málið í fjölmiðlum ytra. „Til að halda góðri heilsu kýs ég að fljúga í helst sömu einkavélinni og þá slepp ég við að sitja við hliðina á ókunnugu fólki sem hóstar og hnerrar.“