Madonna og Peres ræddu heimsfrið

Poppdrottninginn Madonna hitti Shimon Peres, forseta Ísraels, á laugardag en hún er í pílagrímsferð í Jerúsalem til að fagna nýu ári gyðinga.

Forsetinn og Madonna skiptust á gjöfum og ræddu heimsfrið á meðan á fundi þeirra stóð. Madonna sem ekki er gyðingur mun á ferð sinni ætla að taka þátt í Kabbalah ráðstefnu og heimsækja helga staði.

Sumir gyðingar hafa gagnrýnt áhuga þeirra sem ekki eru gyðingatrúar á Kabalah en fleiri frægar stjörnur eru væntanlegar á ráðstefnuna og má þar nefna Demi Moore, eiginmann hennar Ashton Kutcher og tískuhönnuðinn Donnu Karan.