Náhval relur á land í Lónafirði

Sjaldgæfa sjón bar fyrir augu í botni Lónafjarðar í Þistilfirði á dögunum þegar náhval rak þar á land. Slíkan hval hefur ekki rekið á land hér frá árinu 1976, eða í rúm þrjátíu ár, eftir því sem segir á vef Hafrannsóknarstofnunarinnar, en þá rak eitt eða tvö dýr rak á land í Geldinganesi í Reykjavík. Þá hefur tegundin aldrei sést í hvalatalningum Hafrannsóknastofnunarinnar á tímabilinu 1987-2001.

Helsta einkenni náhvalsins, sem er af ætt hvíthvala, er geysistór framtönn er skagar allt að 2,7 metra fram úr höfðinu á fullvöxnum törfum. Hann hefur frá ómunatíð verið tengdur goðsögninni um einhyrninginn og hafa tennur hans gengið kaupum og sölum sem slíkar um aldir og taldar konungsgersemar eftir því sem segir á vef Hafró. Tegundina er fyrst og fremst að finna við Atlantshafshluta Norður-Íshafsins.