Eggert ekki endurkjörinn í framkvæmdastjórn UEFA

Eggert Magnússon, formaður KSÍ, var ekki endurkjörinn í framkvæmdastjórn Knattspyrnusambands Evrópu en kosið var í dag. Eftir því sem fram kemur á vef KSÍ hafnaði Eggert áttunda sæti af þrettán frambjóðendum með 23 atkvæði en sex efstu náðu kjöri.

Eggert hafði setið í framkvæmdarstjórn UEFA frá árinu 2002 en hann hefur tilkynnt að hann muni láta af formennsku KSÍ á ársþingi sambandsins þann 10. febrúar næstkomandi til þess að einbeita sér að stjórnarformennsku hjá enska úrvalsdeildarliðinu West Ham.

Góðkunningi Eggerts, Frakkinn Michel Platini, var hins vegar kjörinn forseti Knattspyrnusambands Evrópu og bar hann sigurorð af Lennart Johansson sem setið hefur í stól forseta frá árinu 1998.