Ég fékk mitt

OJ Simpson segir að hann hafi fengið borgað, jafnvel þótt umdeild bók hans um morðin á fyrrverandi eiginkonu hans og kærasta hennar, hafi aldrei komið út. Bókin hét: "Eg ég hefði gert það, hefði ég gert það svona." Simpson segir í viðtali við dagblað í Flórída að hann hefði sagt útgefandanum að hann vonaði að bókin yrði aldrei gefin út.

Hann segir að annar maður hafi skrifað bókina og hann bara gefið samþykki sitt. Hinsvegar hefði hann ekki verið ánægður með að ýjað væri að því að hann væri að játa sig sekan. Margar villur hefðu verið í bókinni, en hann hefði látið þær eiga sig, þar sem hann hefði hvort eð er ekki myrt neinn.

Bókin vakti svo mikla reiði í Bandaríkjunum, að útgefandinn hætti við að gefa hana út. Simpson var spurður um hvort hin hörðu viðbrögð hefðu komið honum á óvart. "Mér er alveg sama. Ég fékk samt borgað."