Michael stríddi Janet

Söngkonan Janet Jackson segir að bróðir sinn Michael, fyrrverandi konungur poppsins, hafi uppnefnt sig þegar þau voru lítil vegna þyngdar hennar. Í viðtali í bandarískum spjallþætti vildi hún samt lítið tjá sig um hvað hann kallaði hana.

„Þú vilt ekki vita það. Þetta voru ekki falleg uppnefni. Villisvín var eitt af þeim. Ég segi þér ekki meira,“ sagði Janet. Hún segir að vegna uppnefnanna hafi hún lagt áherslu á að koma sér í gott form og hafi reynt að halda sér þannig allar götur síðan.