Yoko stöðvaði heimildarmynd um Lennon

Yoko Ono stöðvaði sýningu á tveggja klukkustunda heimildarmynd um fyrrverandi eiginmann sinn John Lennon við Berwick háskólann í Maine, í Bandaríkjunum. Hún segist eiga allan rétt á efninu.

Heimildarmyndin byggir á kvikmynd sem Tony Cox, fyrrverandi eiginmaður Ono tók á þriggja daga tímabili í lífi hjónanna í febrúar árið 1970. Myndin var tekin í íbúð Lennons. Það var tveim mánuðum áður en Bítlarnir leystust upp. Framleiðendur myndarinnar keyptu upptökur Cox fyrir um sextíu milljónir króna árið 2000.

Framleiðendurnir reyndu að komast framhjá banni Yoko Ono með því að sýna myndina ókeypis í háskólum og ætluðu að byrja í Berwick. En það dugði ekki til, lögfræðingar frúarinnar voru mættir á staðinn og stöðvuðu sýninguna. Óvíst er hvað verður um þessa mynd.