Heather Mills hrósað fyrir frammistöðuna

Heather Mills, sem nú stendur í harðvítugum skilnaði við Bítilinn Paul McCartney, tekur nú þátt í danskeppninni Dansað með stjörnunum sem sýnd er á ABC sjónvarpsstöðinni. Hún tók danssporin í fyrsta sinn á mánudag og fékk mikið lof dómara fyrir frammistöðu sína.

Heather er fyrsti fatlaði keppandinn sem tekur þátt í keppninni en hún er með gervifót eftir að hafa lent í bílslysi. Dansaði hún foxtrot með dansfélaga sínum, Jonathan Roberts, en hann er atvinnudansari. Var Heather íklædd bleiklitum kjól, ásettan pallíettum. Áhorfendur fögnuðu parinu, sem ruglaðist aðeins á sporunum, með miklu lófaklappi þegar dansinum lauk.

Dómararnir létu mistökin þó ekki á sig fá og sögðu að Mills vera öðrum innblástur til að dansa. Dansinn hefði gengið mjög þrátt fyrir mistökin.

Fyrri umfjöllun Vísis um Heather Mills í Dansað með stjörnunum