Aðdáandi snýst til varnar fyrir Britney

Chris nokkur Crocker verður að teljast til hörðustu aðdáenda Britney Spears. Heimagert myndband þar sem hann hágrætur yfir því hvernig fólk og fjölmiðlar níðast á Britney hefur farið eins og eldur í sinu um netið og hafa nú þegar milljónir manna skoðað það.

Í myndbandinu grætur hinn nítján ára Crocker sáran og segir sér að mæta ef ekki verði hætt að fjalla fram og aftur um ófarir söngkonunnar. Myndbandið hefur vakið það mikla athygli að Crocker hefur verið boðinn samningur við sjónvarpsfyrirtækið 44 Blue Productions. Hann hefur einnig komið fram í fjölda sjónvarps- og dagblaðaviðtala og segir í samtali við nettímaritið Salon að það sé mikill hiti í kringum sig og að honum líði eins og hann fái jafnvel meiri athygli en Britney.

Chrocker sem býr hjá ömmu sinni í Tennesse er svokallaður videobloggari og tók upp myndbandið eftir að Britney tróð upp á MTV verðlaunahátíðinni fyrr í mánuðinum við lítinn fögnuð viðstaddra. Herbergi hans mun vera þakið plakötum af söngkonunni og segist hann sannur aðdáandi.

Hið umrædda myndband má sjá hér.