Snoop Dogg handtekinn í Svíþjóð

Rapparinn Snoop Dogg var handtekinn í Stokkhólmi seint í gærkvöldi ásamt konu um tvítugt. Voru þau hantekinn vegna gruns um eiturlyfjanotkun. Var Snoop Dogg í haldi lögreglu í fjórar klukkustundir áður en hann var látinn laus.

Lögreglumaðurinn Mats Brannlund sagði Snoop Dogg hafa verið handtekinn vegna gruns um fíkniefnanotkun en það væri með öllu ólöglegt að neyta fíkniefna í Svíþjóð. Hægt væri að sjá á fólki hvort það hefði neytt fíkniefna á augum þess og með því að fylgjast með fasi þeirra. Lögreglan hafi talið Snoop Dogg sýna einkenni eiturlyfjaneyslu.

Voru tekin lífsýni úr Snoop Dogg og ungu konunni og þau send í greiningu. Niðurstöður eru ekki væntanlegar fyrr en eftir tvær til þrjár vikur. Getur Snoop Dogg átt von á því að þurfa að greiða háa sekt ef hann reynist sekur um lögbrot.

Snoop Dogg hélt tónleika í Stokkhólmi á sunnudagskvöld og á að koma fram í Osló í kvöld með rapparanum P. Diddy en það er hluti af tónleikaferðalagi þeirra um Evrópu. Snoop ku hafa við leiðinni til Noregs í dag samkvæmt heimildum þarlends hljómleikahaldara.