Elsta brúður í bænum

Elizabeth Hurley þykir fögur á Vesturlöndum, en hún vakti ekki mikla hrifningu íbúa Jodhpur á Indlandi, þar sem hún fagnar brúðkaupi sínu og indversks eiginmanns síns, Arun Nayar.

„Var þessi gamla kerling að gifta sig? Hún er elsta brúður sem Jodhpur hefur orðið vitni að,“ sagði Kastury Ghosh, verslunareigandi í bænum. Enginn bæjarbúa vissi hver Hurley var, áður en hún tók höllina í nágrenni bæjarins á leigu. Eftir heimsókn hennar hefur Hurley hækkað nokkuð í áliti, og þykir nú nokkuð ásjáleg. Fólk veltir því þó enn fyrir sér fyrir hvað fyrirsætan er fræg.