Innlent

Umræðum um RÚV ohf. hætt - fellt úr gildi ef stjórnarskipti verða

Stjórnarandstaðan hefur lokið umræðum sínum um frumvarp menntamálaráðherra um Ríkisútvarpið ohf. að sinni en hyggst nema þau úr gildi ef hún nær meirihluta í þingkosningum í vor. Þetta kom fram á sameiginlegum blaðamannafundi hjá stjórnarandstöðunni nú laust fyrir hádegi.

Umræður um frumvarpið hófust í morgun eftir óundirbúnar fyrirspurnir á Alþingi en lauk mjög skyndilega þar sem Mörður Árnason, þingmaður Samfylkingarinnar, las upp yfirlýsingu stjórnarandstöðuflokkanna. Þar kemur fram að stjórnandstaðan ætli að fella lögin úr gildi þannig að RÚV verði ekki hlutafélag ef flokkarnir ná meirihluta í þingkosningum í vor. Hins vegar verði fundnar leiðir til aukinnar skilvirkni og svigrúms í rekstri stofnunarinnar með nýjum lagaramma sem tryggi sjálfstæði og fagleg viðhorf við dagskrárákvarðanir og ráðningarmál.

Í yfirlýsingu stjórnarandstöðuflokkanna kemur enn fremur fram að ná þurfi víðtækri sátt í samfélaginu um þær framtíðarbreytingar sem gerðar verði á Ríkisútvarpinu og að stjórnarandstaðan vilji með því tryggja að hér verði ríkisútvarp ekki ríkisstjórnarútvarp.

Stjórnarflokkarnir hafi kosið að afgreiða frumvarp um Ríkisútvarpið í miklum ágreiningi við stjórnarandstöðuna og forystumenn þessara flokka hafi hafnað öllum sáttaboðum.

Yfirlýsing stjórnarandstöðunnar er hér að neðan.

Mest lesið


Fleiri fréttir

Sjá meira


×

Mest lesið