Travolta nauðlenti á Írlandi

John Travolta komst í hann krappann á mánudag þegar tæknilegir erfiðleikar komu upp í einkaþotu hans. Vélin var á leið frá Þýskalandi til New York. Henni var nauðlent á Shannon flugvellinum í Írlandi.

Travolta slapp ómeiddur frá lendingunni en varð brugðið vegna atviksins. Leikarinn fékk aðra flugvél lánaða til að komast á áfangastað þar sem gera þurfti við einkaþotu hans í Írlandi.

Þetta er ekki í fyrsta sinn sem Travolta þarf að nauðlenda. Fyrir átta árum bilaði flugvél hans en þá lenti leikarinn í Boston.