Sex þúsund fleiri karlar en konur í landinu

Alls voru nærri 310 þúsund íbúar í landinu þann 1. apríl síðastliðinn samkvæmt áætlunum Hagstofu Íslands. Hefur þeim því fjölgað um rúmlega tvö þúsund frá áramótum en þá voru þeir nærri 308 þúsund. 158 þúsund karlar eru í landinu 152 þúsund konur.

Þá leiða tölur Hagstofunnar í ljós að Reykvíkingar voru rúmlega 117 þúsund um mánaðamótin og þá voru Kópavogsbúar nærri 28 þúsund og Hafnfirðingar rúmlega 24 þúsund. Fjórða fjölmennasta sveitarfélagið er svo Akureyri með nærri 17 þúsund íbúa.