Jennifer Hudson sparkað

Söngkonan Jennifer Hudson er með kröfuharðan umboðsmann. Hún átti að koma fram í Seattle á árlegum hluthafafundi Starbucks keðjunnar en það varð þó ekki úr skemmtuninni þar sem umboðsmaður söngkonunnar þótti of kröfuharður fyrir hennar hönd.

Óskaði umboðsmaðurinn meðal annars eftir fimm einkabifreiðum fyrir Jennifer og fylgdarlið hennar sem samanstóð af hárgreiðslumeisturum, förðunarfræðingum, öryggisvörðum og aðstoðarmanni. Einnig var beðið um rakatæki fyrir stjörnuna baksviðs. Það fyllti mælinn þegar umboðsmaðurinn óskaði eftir kjúlklingavængjum á slaginu tíu fyrir hádegi.

Stjórnarformanni Starbucks, Howard Schultz, þótti körfur umboðsmannsins ganga of langt og sló því skemmtunina af. Samkvæmt heimildum TMZ hafði Jennifer ekki hugmynd um að gerðar væru slíkar kröfur. Umboðsmaðurinn hafi alfarið séð um þetta án hennar vitundar. Það virðist því sem kröfur umboðsmannsins hafi á endanum komið niður á söngkonunni sjálfri.