Var alltaf öðruvísi

Debbie Harry ræddi um fatastíl sinn í nýlegu viðtali við Times og fannst hún alls ekki klæða sig einkennilega í gamla daga. „Ég er á þeirri skoðun að ég hafi ekki klætt mig það óeðlilega eins og af var látið. Það virtist bara vera þannig vegna þess að meginstraumur tískunnar var gjörsamlega andstæðan við minn stíl,“ segir Harry sem hefur fyrir löngu fengið á sig stimpil sem tískuíkon fyrir sérstaklega glæsilegan stíl.

Harry sagði einnig að þótt hún hefði verið svolítill pönkari í sér héldi hún að hún hefði alltaf verið siðsamlega klædd. „Ég fór aldrei út á sviðið án einhvers konar undirfatnaðar, vegna fremstu raðarinnar. Eða hvað? Ég gæti svo sem hafa gert það,“ sagði söngkonan fræga.