Ekki undirgefinn

Isaiah Washington, sem var rekinn úr þáttunum Grey"s Anatomy fyrir ummæli sín um samkynhneigða, segir að kynþáttafordómar hafi átt þátt í brottrekstri hans.

„Einhver heyrði rödd svarts manns og varð verulega hræddur og það var upphafið að endinum fyrir mig,“ sagði Washington. „Mín mistök voru að trúa því að þeldökkt fólk gæti fengið annað tækifæri. Ég hafði algjörlega rangt fyrir mér,“ sagði hann.

Bætti hann því við að hann hafi aldrei hagað sér eins og undirgefinn þeldökkur maður og það hafi verið hluti af vandamálinu. „Það hjálpaði mér ekki í upptökuverinu að ég var svartur maður sem gekk ekki um undirgefinn og hlédrægur. Ég talaði ekki eins og ég væri nýkominn af plantekrunni og sumt fólk á erfitt með að sætta sig við það.“