Bjartari dagar barnshafandi fíkils

Fylgst hefur verið með sögu Evu Rutar Bragadóttur undanfarna daga í Íslandi í dag. Eva er eiturlyfjafíkill sem komst að því fyrir fjórum vikum að hún bæri barn undir belti og hætti því neyslu, komin 20 vikur á leið.

Hún átti það á hættu fyrir örfáum dögum að verða heimilislaus en núna virðast vera bjartari tímar framundan þar sem henni hefur borist hjálp víða að í kjölfar þeirrar umræðu sem skapaðist vegna ástands hennar.

Nú er verið að vinna í að finna varanlegt húsnæði fyrir Evu og hið ófædda barn. Katrín Rut Bessadóttir, fréttamaður Íslands í dag, hitti Evu í dag.