Pilluglas kóngsins á 160 þúsund

Þrátt fyrir að þrjátíu ár séu liðin frá því að Elvis Presley lést á hann sér enn dygga aðdáendur.

Glas utan af lyfseðilsskyldum ofnæmispillum kóngsins var selt á ríflega 160 þúsund krónur á Julien sumaruppboðinu í Bevery Hills á laugardaginn. Ofnæmislyfjunum var ávísað af George Nichopoulos, heimilislækni Presley, sem sá fyrir lyfjakokteilnum sem hélt honum í rússi í áratugi.

Gullhúðuð byssa kóngsins var aðeins dýrari, en hún fór á tæpar 1,8 milljónir. Þá seldist hljóðnemi sem hann notaði á tónleikum í Louisiana árið 1950 á rúm 900 þúsund.

Aðrir munir á uppboðinu voru meðal annars vegabréf Hitchcocks, sem fór á rúma milljón. Og regnhlíf sem Marilyn Monroe bar á frægum myndum Andre de Dienes frá árinu 1949, og kostaði litlar 2,6 milljónir króna.