Avril Lagvine ósátt við ásakanir

Kanadíska söngkonan Avril Lavigne bregst harðlega við ásökunum á hendur sér um að hún skreyti tónsmíðar sínar lagstúfum og textabrotum úr annarra smiðju. Segir söngkonan fullyrðingar þessar alrangar og íhugar að leita réttar síns vegna málsins.

Tónsmiðir tveir hafa þegar sótt Lavigne til saka vegna smells síns Girlfriend, eða Unnusta. Þykir þeim lagið bera fullmikinn keim af lagi hljómsveitar sinnar The Rubinoos, sem þeir hljóðrituðu árið 1970.

„Ég hef aldrei heyrt þetta lag", segir Avril.

Þá hefur tónlistarkonan Chantal Kreviazuk sakað Avril um að slá eign sinn á hugmyndir sínar. Avril íhugar að kæra hana líka.

„Höfum það alveg á hreinu að ég hef aldrei rænt neinu og aldrei gert neitt rangt", bætir Avril við.