Prince rekinn af sviði

Tónleikar poppgoðsins Prince í Minneapolice á sunnudaginn urðu heldur endaslepptir því leyfilegum opnunartíma staðarins var lokið. Skipuleggjendur tónleikanna reyndu allt til að fá lagana verði til að gera undantekningu í þetta skipti en allt kom fyrir ekki. Allir eru jafnir gagnvart lögunum, sögðu þeir. Prinsinn, sem var hálfnaður með dagskrá sína, var miður sín og lofaði vonsviknum tónleikagestum að hann kæmi aftur í bráð.

Um er ræða skemmtistað sem var eitt helsta sögusvið kvikmyndarinnar Purple Rain sem Prince gerði um árið. Leyfilegur opnunartími þar varir til þrjú. Prince hóf ekki spilamennsku sína fyrr en korter í þrjú og því rétt kominn hiti í mannskapinn þegar endi var bundinn á allt saman.