Eldri borgarar og öryrkjar bjóða fram

Baráttusamtök eldri borgara og öryrkja hafa ákveðið að bjóða fram í öllum kjördæmum í komandi alþingiskosningum. Þau kynntu áherslumál sín á fundi á Grand Hóteli í dag, Arndís Björnsdóttir fyrrverandi menntaskólakennari og formaður samtakanna segir að megin baráttúmál flokksins verði að berjast gegn tekjutengingum og vaxandi ójöfnuði í þjóðfélaginu. Hún óttast ekki að annar hópur lífeyrisþega, sem einnig hefur lýst yfir vilja til framboðs, muni taka fylgi frá framboðinu. Auk Arndísar sitja í stjórn samtakanna, Kristján Guðmundsson fyrrverandi skipstjóri, Guðjón Tómasson vélfræðingur, Einar H. Guðmundsson prentari og Bryndís Jónsdóttir fyrrverandi starfsmaður alþingis. Fólk getur skráð sig í baráttusamtökin á netfangið skraning @ internet.is