Heimasíða í minningu Jóns Páls

Vefsíða sem tileinkuð og heiðruð er minningu Jón Páls Sigmarssonar kraftlyftingarmanns og þjóðarhetju! hefur verið opnuð á léninu http://www.jonpall.is/ Á vefsíðunni verður hægt að nálgast nánari upplýsingar um sögu Jón Páls heitins, myndir, tengla, gestabók og margt fleira.

Ágúst Schmidt, vefstjóri, segir að kveikjan af vefsíðunni hafi verið sú að eigandi margmiðlunarfyrirtækisins Allra átta hafi heyrt áskorun Hjalta Úrsus í útvarpi.

Hjalti skoraði á margmiðlunarfyrirtæki að setja upp heimasíðu í minningu Jóns Páls. Lénið var tekið frá og uppúr því byrjaði boltinn að rúlla

„Barnsmóðir Jóns Páls og sonur þeirra, Sigmar, eru með okkur. Við rekum síðuna saman. Þau hafa séð um efni og myndir en við um tækni- og auglýsingamál," segir Ágúst sem starfar hjá Allra átta.