Innlent

Ríkisfyrirtæki gagnrýnt á Alþingi fyrir að kaupa prentsmiðju

Ríkið var sakað á Alþingi í morgun um að gera strandhögg á prentmarkaði með kaupum Íslandspósts á fyrirtækinu Samskiptum. Samgönguráðherra sagði kaupverð trúnaðarmál og varði kaupin en þingmaður Framsóknarflokks sem og Samfylkingarþingmenn gagnrýndu þau harðlega.

Framsóknarþingmaðurinn Guðjón Ólafur Jónsson sagði kaupin orka tvímælis um leið og hann bar upp fyrirspurn um þau til samgönguráðherra. Sturla Böðvarsson varði kaupin og sagði tilganginn meðal annars þann að verja starfsöryggi starfsmanna Íslandspósts.

Guðjón Ólafur sagði að með kaupunum væri ríkið að gera strandhögg á prentmarkaði. Samfylkingarþingmennirnir Katrín Júlíusdóttir og Björgvin G. Sigurðsson gagnrýndu ráðherra Sjálfstæðisflokksins fyrir að verja það að ríkisfyrirtæki væri með þessum hætti að fara í samkeppnisrekstur. Katrín sagði gjörninginn óverjandi og Björgvin sagði hann afhjúpandi.

Mest lesið


Fleiri fréttir

Sjá meira


×

Mest lesið